নিয়মীয়া বাৰ্তা, ২১ অক্টোবৰ : কামৰূপৰ বকো আৰক্ষীৰ গো-ধন সৰবৰাহকাৰীৰ বিৰুদ্ধে অব্যাহত আছে তীব্ৰ অভিযান। এক গোপন খবৰৰ ভিত্তিত শুকুৰবাৰে নিশা বকো আৰক্ষীৰ উপ-পৰিদৰ্শক অপূৰ্ব কলিতাৰ নেতৃত্বত চলা এক অভিযানত অবৈধভাৱে সৰবৰাহ কৰা ২০টা চোৰাং গৰু জব্দ কৰাৰ লগতে দুখন বাহন জব্দ কৰা বুলি জানিব পৰা গৈছে। জব্দকৃত বাহন দুখনৰ এখনৰ নম্বৰ AS-25DC-6692 আৰু আনখন নম্বৰপ্লেটবিহীন। তথ্য অনুসৰি, বকোৰ পয়ৰাঙ্গা আৰু কলহীকাষৰ ফালৰ পৰা মেঘালয়লৈ সৰবৰাহৰ সময়তে বকো আৰক্ষীয়ে পয়ৰাঙ্গা আৰু কলহীকাষ এলেকাত জব্দ কৰে বাহনসহ গো-ধন।
প্ৰেৰক প্ৰীতম বায়ন