নিয়মীয়া বাৰ্তা,১১ মেঃ কাৰ্বি আংলঙৰ বোকাজান আৰক্ষীয়ে এক গোপন সুত্ৰৰ পম খেদি আজি ৩৯ নং ৰাষ্ট্ৰীয় ঘাইপথৰ নিজৰাপাৰত ড্ৰাগছসহ এজন যুৱকক আটক কৰে ৷
বোকাজান থানাৰ ভাৰপ্ৰাপ্ত বিষয়া ডিম্বেশ্বৰ ঠাকুৰীয়াৰ নেতৃত্বত যোৱা আৰক্ষীৰ দলটোৱে এখন নম্বৰ প্লেট বিহীন বাইকক অনুসৰণ কৰি নিজৰাপাৰত আগুচি ধৰি ডিকিত তালাচী চলাওঁতে দুটা টিফিনত ভৰাই অনা ড্ৰাগছ খিনি ওলাই পৰে ৷ প্ৰাৰম্ভিক অৱস্থাত এইখিনি ব্ৰাউন চুগাৰ বুলি আৰক্ষীয়ে সন্দেহ প্ৰকাশ কৰি ইয়াৰ মূল্য লক্ষাধিক বুলি ব্যক্ত কৰে ৷
যুৱকজনে নিজৰ নাম ছেং বুলি কোৱাৰ লগতে বালিপথাৰত ঘৰ বুলি কয় যদিও যুৱক জনৰ পৰা উদ্ধাৰ হোৱা পান কাৰ্ড আৰু ড্ৰাইভিং লাইচেঞ্চত তেওঁৰ নাম ধীৰাজ চিংফৌ আৰু তেওঁৰ ঘৰ অৰুণাচলৰ চাংলংত বুলি উল্লেখ আছে ৷
উল্লেখযোগ্য যে যুৱক দুজনৰ লগত আৰু দুজন যুৱক জড়িত আছে বুলি ব্যক্ত কৰাৰ লগতে ড্ৰাগছখিনি অসম নগালেণ্ড সীমান্তৰ গৌতম বস্তিৰ পৰা সংগ্ৰহ কৰিছিল বুলি জানিবলে দিয়ে ৷ ইতিমধ্যে আৰক্ষীয়ে তদন্ত অব্যাহত ৰাখিছে ৷