নিয়মীয়া বাৰ্তা, ১০ ডিচেম্বৰঃ বিটিচিৰ দ্বিতীয় তথা অন্তিম পৰ্যায়ৰ ভোটদান অনুষ্ঠিত হৈ আছে কোকৰাঝাৰ আৰু চিৰাং জিলাৰ ১৯টা পৰিষদীয় সমষ্টিত। পুৱা ৭ বজাৰ পৰা অনুষ্ঠিত হোৱা ভোটগ্ৰহণত বি পি এফৰ প্ৰমুখ হাগ্ৰামা মহিলাৰীয়ে ভোটদান কৰে।
ভোটদান কৰি আহি হাগ্ৰামা মহিলাৰীয়ে সাংবাদিকৰ আগত কয়- ‘আমাৰ ফলাফল ভালেই হ’ব, ওদালগুৰি আৰু বাগসাতো ভালেই হৈছে। এতিয়া কোকৰাঝাৰ আৰু চিৰাঙত ভাল হ’ব। ৩০ আসনৰো বেছি আসন আমি পাম।’
মহিলাৰীয়ে কালি প্ৰমোদ বড়োৰ ওপৰত হোৱা আক্ৰমণ সন্দৰ্ভত ড০ হিমন্ত বিশ্ব শৰ্মাৰ নিৰ্দেশনা আছে বুলি উল্লেখ কৰে। অৱশ্যে প্ৰমোদ বড়োৱে এই ঘটনাত প্ৰাক্তন বিএলটি তথা বিপিএফ প্ৰত্যক্ষভাৱে জড়িত বুলি প্ৰকাশ কৰিছিল।