নিয়মীয়া বাৰ্তা, ৩০ অক্টোবৰ: হাইলাকান্দিত আৰক্ষীৰ অভিযানত জব্দ বৃহৎ পৰিমাণৰ বাৰ্মিজ চুপাৰি। গোপন সূত্ৰৰ পৰা পোৱা তথ্যৰ ভিত্তিত হাইলাকান্দি জিলাৰ পাঁচগ্ৰামত অভিযান চলাই আৰক্ষীয়ে জব্দ কৰিছে প্ৰায় ৭০ কুইন্টল বাৰ্মিজ চুপাৰি। AS11 EC 3179, AS01 EC 9877, AS01 DD 1092 আৰু AS11 AC 9697 নম্বৰৰ চাৰিখন ট্ৰাকৰ পৰা জব্দ হৈছে চুপাৰিখিনি । চাৰিওখন ট্ৰাকৰ ভিতৰতে গোপন চেম্বাৰ বনাই পাচাৰ কৰি থকা অৱস্থাত আৰক্ষীয়ে জব্দ কৰে চুপাৰিখিনি। এই চুপাৰিখিনিৰ বাজাৰ মূল্য প্ৰায় ৩৫ লাখ টকা হব বুলি জনাইছে আৰক্ষীয়ে। মিজোৰামৰ পৰা হাইলাকান্দিত প্ৰৱেশ কৰিছিলে ট্ৰাক চাৰিখন। লগতে আৰক্ষীয়ে গ্ৰেপ্তাৰ কৰিছে ট্ৰাকৰ চালকসহ ৭ ব্যক্তিক ।
প্ৰেৰক গৌতম তালুকদাৰ