নিয়মীয়া বাৰ্তা, ১৬ডিচেম্বৰ: চৰাইদেউ জিলাৰ টেঙাপুখুৰীত কালি নিশা সংঘটিত এক বাছ দুৰ্ঘটনাত দুজন লোক গুৰুতৰভাৱে আহত হোৱাৰ লগতে অর্ধশতাধিক যাত্ৰীৰ কথমপি প্ৰাণ ৰক্ষা পৰে। জানিব পৰা মতে, নাগালেণ্ডৰ মন জিলাৰ পৰা ক’হিমা অভিমুখে গৈ থকা এখন নৈশ বাছে (AR-11, B-3407) চৰাইদেউৰ টেঙাপুখুৰী অঞ্চলত নিয়ন্ত্ৰণ হেৰুৱাই পথৰ কাষৰ এজোপা প্রকাণ্ড গছত জোৰেৰে খুন্দা মৰাৰ ফলত বাছখনৰ দুজন যাত্রী গুৰুতৰভাৱে আহত হয় আৰু বাছখনত অহা আন অর্ধশতাধিক লোকৰ কথমপি প্ৰাণ ৰক্ষা পৰে। টেঙাপুখুৰী আৰক্ষী ঘটনাস্থলীত উপস্থিত হৈ স্থানীয় ৰাইজৰ সহযোগত গুৰুতৰভাৱে আহত দুজন ব্যক্তিক টেঙাপুখুৰী অসামৰিক চিকিৎসালয়ত ভৰ্তি কৰাৰ লগতে আন যাত্ৰীসকলক উদ্ধাৰ কৰে। আনহাতে, দুর্ঘটনা সংঘটিত কৰিয়ে হেন্দিমেনসহ বাছখনৰ চালকজনে পলায়ন কৰে।