নিয়মীয়া বাৰ্তা, ১২ মাৰ্চঃ মুখ্যমন্ত্ৰী ড০ হিমন্ত বিশ্ব শৰ্মাক উষ্ম আদৰণি তথা কাইলৈ অনুষ্ঠিত হ’ব লগা বিকাশৰ যাত্ৰাৰ বিশাল সমাৰোহৰ সফল ৰূপায়ণৰ উদ্দেশ্যে আজি বিহদিয়াত বন্তি প্ৰজ্বলন কাৰ্যসূচী ৰূপায়ণ কৰে। এহেজাৰ এগছি বন্তি প্ৰজ্বলন কৰি বিহদিয়া জাঁজীকোণা সভা প্ৰাংগন উজলাই তোলে। বন্তি প্ৰজ্বলন কাৰ্যসূচীৰ শুভাৰম্ভ কৰি কমলপুৰৰ বিধায়ক দিগন্ত কলিতাই কালি অনুষ্ঠিত হ’ব লগা বিকাশৰ যাত্ৰা উপলক্ষে অনুষ্ঠিত বিশাল জনসভাখন সফল ৰূপায়ন কৰিবলৈ সকলো কৰ্মকৰ্তাক আহ্বান জনায়। আনহাতে কালি অনুষ্ঠিত হবলগীয়া মুখ্যমন্ত্ৰীৰ বিকাশৰ যাত্ৰাৰ জৰিয়তে কামৰূপ জিলাৰ লগতে কমলপুৰ সমষ্টিৰ উন্নয়নৰ নতুন সুচনা হ’ব বুলি ব্যক্ত কৰে। ইফালে কাইলৈৰ সভাতেই কমলপুৰ সমষ্টিৰ বৃহৎসংখ্যক কংগ্ৰেছ নেতা কৰ্মীৰ লগতে আপৰ বহুসংখ্যক কৰ্মীয়ে বিজেপিত যোগদান কৰিব বুলি বিধায়কগৰাকীয়ে ব্যক্ত কৰে।
প্ৰেৰক লক্ষী ডেকা