নিয়মীয়া বাৰ্তা, ১৬ জুলাই : বাঘবৰৰ আলোপতি মাজৰচৰত শোকাৱহ দুৰ্ঘটনা। নাওৰ পৰা পিছলি পৰি নৈত সন্ধানহীন হয় মহম্মদ আলী নামৰ এজন সমবায় এজেণ্ট | ব্ৰহ্মপুত্ৰৰ সুঁতি নৈ কলহীত নাওৰ পৰা পৰি সন্ধানহীন হয় মাজৰচৰৰ ব্যৱসায়ী তথা বাঘমাৰাচৰ গাঁও পঞ্চায়ত সমবায় সমিতিৰ এজেণ্ট মহম্মদ আলী (৫৭) | জানিব পৰা মতে, শনিবাৰৰ নিশা প্ৰায় ১০ বজাত সংঘটিত হয় দুৰ্ঘটনাটো। নগৰবেৰাৰ পৰা নিজ ঘৰলৈ গৈ থাকোঁতে নাওৰ পৰা পিছলি পানীত নিখোজ হয়, ভালকৈ সাঁতুৰিবও নাজানিছিল তেওঁ | বাতৰি যুগুতোৱা পৰলৈ কোনো সন্ধান পোৱা নাই লোকজনৰ। প্ৰশাসন, স্থানীয় ৰাইজ তথা এছডিআৰএফ আৰু এনডিআৰএফৰ লোকে আজি পুৱাৰে পৰা অহৰহ চলাই গৈছে অভিযান। অঞ্চলবাসী ৰাইজ তথা অসংখ্য গুণমুগ্ধই নৈৰ পাৰত ভিৰ কৰিছে উৎকণ্ঠাৰে |
প্ৰেৰক সঞ্জীৱ কুমাৰ দাস