নিয়মীয়া বাৰ্তা, ১৪ জুনঃ ক’ৰোনা আক্ৰান্তৰ শীৰ্ষত ৰাজ্যৰ হোজাই জিলা। জিলাখনত আক্ৰান্ত হৈছে প্ৰায় ৪৭০জন লোক। শোণিতপুৰ জিলাটো দ্ৰুতগতিত বৃদ্ধি পাইছে আক্ৰান্তৰ সংখ্যা। ৰাজ্যত মুঠ আক্ৰান্ত হৈছে ৩,৯৪৩জন লোক। ইয়াৰে প্ৰায় ১,৮০৫জন লোক সুস্থ হৈ ৰাওনা হৈছে ঘৰলৈ। সক্ৰিয় অবস্থাত আছে ২,১২৭জন আৰু মৃত্যু হৈছে ৮জনকৈ লোকৰ। বৰ্তমান শোণিতপুৰ জিলাৰ উপায়ুক্ত কাৰ্যালয় ক’ৰোনাক হট জ’ন লৈ ৰূপান্তৰ হৈছে।
বৰ্তমানলৈ হোজাইত আক্ৰান্ত হৈছে ৪৭০জন, ২৪ঘণ্টাত জিলাখনত আক্ৰান্ত হৈছে ১৯জন লোক। ২য় স্থানত আছে ধুবুৰী, ধুবুৰীত আক্ৰান্ত হৈছে ৩৩৪জন লোক। নগাওঁ জিলাত আক্ৰান্ত হৈছে ২৮৭জন লোক। গোলাঘাটত আক্ৰান্ত হৈছে ২৭৯জন লোক, তিনিচুকীয়াত আক্ৰান্ত হৈছে ১১৭জন লোক। ডিব্ৰুগড়ত আক্ৰান্ত হৈছে ৯৬জন লোক, দৰঙত ৮০জন তেজপুৰত ৬৭জন লোক, কোকৰাঝাৰত আক্ৰান্ত হৈছে ৫৬জন লোক।