নিয়মীয়া বাৰ্তা, ৩১ মেঃ ৰাজ্যত বৃদ্ধি পাই আছে ক’ৰোনা আক্ৰান্তৰ সংখ্যা। ৰাজ্যৰ ভিতৰতে আটাইতকৈ বেছি আক্ৰান্ত হোৱা জিলা কেইখন হৈছে কামৰূপ মেট্ৰ’, হোজাই আৰু গোলাঘাট জিলা। হোজাইত আক্ৰান্ত হৈছে ১৭৭জন লোক, গোলাঘাটত ১৬০জন আৰু কামৰূপ মেট্ৰত ১৩৪জন লোক আক্ৰান্ত হৈছে। আনহাতে মৰিগাঁৱত ৭৯জন, নগাঁৱত ৫৯জন আক্ৰান্ত হৈছে।
আনহাতে মাজুলীত এজন লোক আক্ৰান্ত হোৱাৰ বিপৰীতে পশ্চিম কাৰ্বি আংলঙত দুজন লোক আক্ৰান্ত হৈছে। আক্ৰান্তৰ সংখ্যা এই দুখন জিলাতেই সৰ্বনিম্ন। বাকী প্ৰতিখন জিলাতেই কম-বেছি পৰিমাণে আক্ৰান্তৰ সংখ্যা আছে বুলি সংবাদমেলত সদৰী কৰে মন্ত্ৰী হিমন্ত বিশ্ব শৰ্মাই। উল্লেখযোগ্য যে অসমত আক্ৰান্তৰ প্ৰায় ২৪জনৰ কোনো ট্ৰেভেল হিষ্ট্ৰী নাই।