নিয়মীয়া বাৰ্তা, ১৮ আগষ্ট : যোৱানিশা ৰূপহীহাটত নগাঁও অপৰাধ শাখা আৰু ৰূপহীহাট আৰক্ষীয়ে এক গোপন সূত্ৰৰ পম খেদি যৌথভাৱে চলায় এক অভিযান ৷ আৰক্ষীৰ অভিযানত অবৈধ নিচাজাতীয় কফ ছিৰাপসহ আটক কৰা হয় ৰফিকুল ইছলাম নামৰ এজন লোকক। ৰূপহী মডেল হস্পিতালৰ সন্মুখৰ ৰফিকুল ইছলাম নামৰ ব্যক্তিজনৰ কাপোৰৰ দোকানৰ পৰা আৰক্ষীয়ে জব্দ কৰে ১৫০টাকৈ কফ ছিৰাপৰ বটল। ৰফিকুল ইছলামে দীৰ্ঘদিনৰ পৰা কাপোৰ দোকানৰ গইনা লৈ ৰূপহীহাটত নিচাজাতীয় দ্ৰব্যৰ ৰমৰমীয়া বেহা চলাই আছিল । সম্প্ৰতি ৰূপহীহাট আৰক্ষীয়ে অধিক তথ্যৰ বাবে জেৰা অব্যাহত ৰাখিছে ধৃত ৰফিকুল ইছলামক।
প্ৰেৰক জহিৰুল ইছলাম