নিয়মীয়া বাৰ্তা
অসমৰ সৰ্বাধিক প্ৰচলিত দৈনিক বাতৰিকাকত

নগৰবেৰাত সাংস্কৃতিক অনুষ্ঠান বিতৰ্ক, আধাতে সামৰিবলগীয়া হ’ল কাৰ্যসূচী

নিয়মীয়া বাৰ্তা, ২ এপ্ৰিল : ঈদ উপলক্ষে আয়োজিত সাংস্কৃতিক কাৰ্যসূচীত অথন্তৰ। আধাতে সামৰিবলগীয়া হয় অনুষ্ঠান। পানীত পৰিল লাখটকীয়া আয়োজন। নগৰবেৰাৰ মন্দিৰা আৰক্ষী চকীৰ অন্তৰ্গত দলাগাঁও ডুমপাৰাত পোহৰলৈ আহিছে এই কাণ্ড। গাঁৱৰ গো-চৰণীয়া পথাৰত স্থানীয় ইছলামধৰ্মী যুৱকসকলে ঈদ উপলক্ষে আয়োজন কৰিছিল সাংস্কৃতিক কাৰ্যসূচীৰ। সাংস্কৃতিক মঞ্চ, ৰভা, দৰ্শকৰ চকী আদি কৰি লাখটকীয়া আয়োজন। আমন্ত্ৰণ জনোৱা হৈছিল কণ্ঠশিল্পীও। পিছে এই ক্ষেত্ৰত বিধিপথালি দিয়ে আন একাংশই আৰু দুই পক্ষৰ মাজত অনুষ্ঠানক লৈ সৃষ্টি হয় বিতৰ্ক। পৰিস্থিতিৰ অৱনতি ঘটাৰ আশংকাত স্থানীয় প্ৰশাসনে বন্ধ কৰি দিয়ে মঞ্চৰ অনুষ্ঠান আৰু দিনৰ ভাগতেই আঁতৰাই পঠিওৱা হয় পুৱাৰে পৰা ঠাহ খাই থকা দৰ্শকক। পুৱাৰে পৰা সৰৱ হৈ থকা মঞ্চৰ অনুষ্ঠান আৰু দৰ্শকৰ হৰ্ষোল্লাস ম্লান হয় মুহুৰ্ত্ততে। অৱশেষত মনোৰঞ্জন ল’বলৈ গৈ বিফল মনোৰথে ঘৰাঘৰি হয় সহস্ৰাধিক দৰ্শক। বিষয়টোক লৈ এক হুলুস্থুলীয়া পৰিবেশৰো সৃষ্টি হয় আৰু অনুষ্ঠান পাতিব নোৱাৰি ক্ষোভিত হৈ পৰে আয়োজক সমিতিও

প্ৰেৰক সঞ্জীৱ কুমাৰ দাস

You might also like