নিয়মীয়া বাৰ্তা, ডুমডুমা, ২৫ মাৰ্চ : ৰাষ্ট্ৰীয় পৰ্যায়ৰ ক্ৰীড়া ক্ষেত্ৰত পুনৰবাৰ উজলিল অসম সন্তান ৷ পাঞ্জাৱৰ অমৃতসৰত অনুষ্ঠিত হোৱা চিনিয়ৰ ৰাষ্ট্ৰীয় ফেন্সিং প্ৰতিযোগিতাত ডুমডুমা ৰূপাই চাহ বাগিছাৰ দীপা যোশীয়ে তিনিচুকীয়া জিলাৰ পৰা গৈ ব্ৰঞ্জৰ পদক লাভ কৰিবলৈ সক্ষম হয় । উল্লেখযোগ্য যে, ডুমডুমা ৰূপাই চাহ বাগিছাৰ নিৱাসী ভক্তি যোশী আৰু লক্ষ্মী যোশীৰ কন্যা তথা তিনিচুকীয়া মহিলা মহাবিদ্যালয়ৰ ষষ্ঠ ষান্মাসিকৰ ছাত্ৰী দীপা যোশীয়ে ব্ৰঞ্জৰ পদক লাভ কৰি গৌৰৱ কঢ়িয়াই অনাৰ বাবে খেলুৱৈগৰাকীক সদৌ অসম গোৰ্খা ছাত্ৰ সন্থাৰ ডুমডুমা আঞ্চলিক সমিতি আৰু ডুমডুমা মহাবিদ্যালয় গোটৰ এটা সঁজাতি দলৰ লগতে কেইবাটাও দল-সংগঠন তথা মহিলা সমিতিয়ে দীপা যোশীক ফুলাম গামোছা, অভিনন্দন পত্ৰৰে সম্বৰ্ধনা জনায়।