নিয়মীয়া বাৰ্তা, ১৩ এপ্ৰিলঃ চিৰাং জিলাৰ বিজনীৰ কাৱাটিকাত আজি আবেলি ভাগত আৰক্ষীৰ অভিযান চলাই কাৱাটিকা বজাৰত হাতে লোটে আটক কৰে ছাইদুল ইছলাম( ২২) নামৰ এজন যুবকক । ছাইদুল ইছলামে নিষিদ্ধ ড্ৰাগছ সৰবৰাহ কৰিবলৈ আহি আৰক্ষীৰ জালত পৰে । ছাইদুল ইছলামৰ পৰা ১৭ টা ড্ৰাগছ ভৰ্তি কন্টেনাৰত সৰ্বমুঠ ১.৭৬ গ্ৰাম ড্ৰাগছ জব্দ কৰাৰ লগতে এটা মোবাইল, এটা চিৰিঞ্জ জব্দ কৰে বিজনী আৰক্ষীয়ে । পাছলৈ ড্ৰাগছসহ সৰবৰাহকাৰীক বিজনী থানাত লৈ আনে আৰক্ষীয়ে । সৰবৰাহকাৰীজনৰ ঘৰ মাণিকপুৰ থানাৰ অন্তৰ্গত ১নং নাচনগুৰিত বুলি জানিব পৰা গৈছে ।
প্ৰেৰক বৰ্ণালী তালুকদাৰ