নিয়মীয়া বাৰ্তা, ১২ অক্টোবৰঃ ঢকুৱাখনাৰ সোণাৰি চাপৰি আৰক্ষী চকীৰ অন্তৰ্গত কেকুঁৰি কঠালগুৰিত ড্ৰাগছ বিক্ৰেতা গোবিন্দ দলে ঢকুৱাখনা থেকেৰাগুৰি গাঁওৰ কপিল টাও আৰু বকুলগুৰিৰ বুধিন দলে নামৰ তিনি যুৱকক ৰাইজে আটক কৰি আৰক্ষীক গটাই দিয়ে। কেকুঁৰি কঠালগুৰিত ড্ৰাগছ আসক্ত লোকৰ সংখ্যা ক্ৰমাৎ ব্দ্ধি পোৱাত ৰাইজ আৰু যুৱ সংঘই চলোৱা এক গোপন অনুসন্ধানত আজি যুৱককেইজন আটক কৰিবলৈ সক্ষম হোৱাৰ লগতে যুৱককেইজনৰ পৰা ৫টা কন্টেইনাৰ, ২টা মোবাইল ফোন আৰু নগদ ১৮ হাজাৰ টকা জব্দ কৰিবলৈ সক্ষম হয়। পৰৱৰ্তী সময়ত ৰাইজে যুৱক ৰেইজনক কন্টেইনাৰসহ সোণাৰি চাপৰি আৰক্ষীক গতাই দিয়াে ৷ কেকুঁৰি কঠালগুৰি গাঁৱৰ ৰাইজে কৌশলেৰে এই তিনিজন যুৱক হাতে লোতে ধৰাত আনন্দ প্ৰকাশ কৰে।
প্ৰেৰক ৰাজেশ বুঢ়াগোহাঞি