নিয়মীয়া বাৰ্তা, ২৪ ডিচেম্বৰ : ধুবুৰী জিলাৰ অসম-বংগ সীমান্তত ছাগলীয়া আৰক্ষীয়ে যোৱানিশা অভিযান চলাই এজন ড্ৰাগছ সৰবৰাহকাৰীক আটক কৰে । জাহাংগীৰ আলী নামৰ ধৃত সৰবৰাহকাৰীটোৰ লগতে এখন বেলেনো গাড়ী জব্দ কৰে আৰক্ষীয়ে । ধৃত জাহাংগীৰৰ ঘৰ পশ্চিমবংগৰ ছোটলাউকুটিত । বেলেনো বাহনেৰে চুবুৰীয়া ৰাজ্য পশ্চিমবংগৰ ছোটলাউকুটিৰ পৰা ধুবুৰী জিলাৰ বিদ্যাৰডাৱৰী দ্বিতীয় খণ্ডলৈ যোৱাৰ পথত ছাগলীয়া আৰক্ষীয়ে আটক কৰে । ছাগলীয়া আৰক্ষী চকীৰ ভাৰপ্ৰাপ্ত বিষয়া হীৰকজ্যোতি দাসৰ নেতৃত্বত ছাগলীয়াৰ ১৭নং ৰাষ্ট্ৰীয় ঘাইপথৰ পৰা গাড়ীসহ আটক কৰে সৰবৰাহকাৰীটোক। সৰবৰাহকাৰীটোৰ পৰা 52.88 গ্ৰাম হেৰোইনৰ লগতে এটা মোবাইল ফোন জব্দ কৰে । জব্দ কৰা বাহনখনৰ নম্বৰ WB 74 AT 6045 ।
প্ৰেৰক শ্যামল চন্দ্ৰ ৰয়