নিয়মীয়া বাৰ্তা, ১০জুনঃ বাঘজানৰ ভয়ংকৰ অগ্নিকাণ্ডত নিহত দুজনকৈ লোক। ভয়ংকৰ বিস্ফোৰণত নিহত লোকদুজন দুৰ্লভ গগৈ আৰু তিখেশ্বৰ গোহাঁই। অইলৰ অগ্নিনিৰ্বাপক বাহিনীৰ কৰ্মচাৰী আছিল দুয়োজন লোক। মঙলবাৰে সংঘটিত হোৱা ভয়ংকৰ বিস্ফোৰণৰ সময়ত খাদত কৰ্মৰত অৱস্থাত আছিল দুয়োগৰাকী লোক।
উল্লেখ্য যে বাঘজানৰ তৈলখাদত কৰ্মৰত অৱস্থাত থকা অইল ইণ্ডিয়াৰ কৰ্মচাৰী তথা সুদক্ষ ফুটবলাৰ দুৰ্লভ গগৈৰ মৃতদেহ জলাশয়ৰ পৰা উদ্ধাৰ কৰা হয়।
জানিব পৰা মতে, সুদক্ষ ফুটবলাৰ দুৰ্লভ গগৈয়ে গ’লকীপাৰ হিচাপে অইল ইণ্ডিয়াৰ হৈ ফুটবল খেলিছিল ।
আজি NDRF বাহিনীয়ে কাষৰে এখন বিলত অভিযান চলাই উদ্ধাৰ কৰে মৃতদেহ দুটা। মৃতদেহ উদ্ধাৰ কৰাৰ পাছতে দুয়োখন ঘৰতে শোকাকুল পৰিৱেশে বিৰাজ কৰিছে।
