নিয়মীয়া বাৰ্তা, ৯ মাৰ্চ : সমাগত হাইস্কুল শিক্ষান্ত আৰু উচ্চতৰ মাধ্যমিকৰ চূড়ান্ত পৰীক্ষা৷ সদৌ মাজুলী জিলা ছাত্ৰ সন্থাৰ সাধাৰণ সম্পাদক বিতোপন শৰ্মাৰ নেতৃত্বত হাইস্কুল শিক্ষান্ত পৰীক্ষা আৰু উচ্চতৰ মাধ্যমিক চূড়ান্ত পৰীক্ষাত অৱতীৰ্ণ হ’ব লগা মৰজুলীৰ বহু ছাত্ৰ-ছাত্ৰীৰ বাসগৃহত উপস্থিত হৈ আগন্তুক পৰীক্ষাৰ শুভেচ্ছা জনোৱাৰ লগতে ছাত্ৰ সন্থাৰ তৰফৰ পৰা কিছু শিক্ষণ সামগ্ৰী ছাত্ৰ-ছাত্ৰীসকলক প্ৰদান কৰে ৷ মাজুলীৰ গাঁৱে-ভূঞে ভিন্ন প্ৰান্তত ছাত্ৰ সন্থাৰ কৰ্মীসকল গৈ শুভেচ্ছা জ্ঞাপন কৰাত অভিভাৱক সকলো আনন্দিত হৈ পৰিছে৷ লগতে ছাত্ৰ সন্থাৰ ছাত্ৰ-ছাত্ৰীৰ প্ৰতি থকা দায়বদ্ধতাৰ নিদৰ্শন দাঙি ধৰাৰ বাবে সকলোৱে ধন্যবাদ জ্ঞাপন কৰে৷ সাধাৰণ সম্পাদকগৰাকীক সংগ দি জিলা ছাত্ৰ সন্থাৰ সহকাৰী সাধাৰণ সম্পাদক দিগন্ত বৰুৱা, বিত্ত সম্পাদক মন্টু গায়ন, জেংৰাই আঞ্চলিক ছাত্ৰ সন্থাৰ মনোজ শইকীয়া আৰু বহুকেইজন ছাত্ৰ সন্থাৰ কৰ্মীয়ে সহযোগিতা আগবঢ়ায় ৷
প্ৰেৰক প্ৰাঞ্জল খাউণ্ড