নিয়মীয়া বাৰ্তা, ১২ মাৰ্চ : বৰপেটা জিলাৰ কলগাছিয়া থানাৰ অন্তৰ্গত আপৰূপী গাঁৱত ইছলাম ধৰ্মাৱলম্বী লোকসকলৰ পৱিত্ৰ ৰমজান মাহৰ প্ৰথম ইফতাৰৰ সময়ত সংঘটিত হয় এক ভয়ংকৰ অগ্নিকাণ্ড। অগ্নিকাণ্ডৰ ফলত দুটা পৰিয়ালৰ চাৰিখন ঘৰ, নগদ ধন, গুৰুত্বপূৰ্ণ নথিপত্ৰ আৰু মূল্যৱান আ-অলংকাৰক আদি কৰি সম্পূৰ্ণ ভস্মীভূত হয়। জুইত প্ৰায় ৩৫/৪০ লক্ষাধিক টকাৰ ক্ষতি হোৱা বুলি জানিব পৰা গৈছে। গেছ-চিলিণ্ডাৰৰ বিস্ফোৰণত জুইৰ সূত্ৰপাত হয় বুলি জানিব পৰা গৈছে। ৰাজমিস্ত্ৰীৰ কাম কৰি পৰিয়াল পোহপাল দিয়া হবিবৰ ৰহমানৰ ৩ গৃহ আৰু আমিৰ উদ্দিনৰ এটা গৃহ ভয়ংকৰ অগ্নিকাণ্ডত জাহ যায়। অগ্নি-নিৰ্বাপক বাহিনীক খবৰ দিয়া হয় যদিও ঘটনাস্থলীত উপস্থিত হোৱাৰ পূৰ্বেই ৰাইজৰ তৎপৰতাত জুই নুমুৱাবলৈ সক্ষম হয়।
প্ৰেৰক মফিদুল ইছলাম