নিয়মীয়া বাৰ্তা, ১৫ জুনঃ আজি শ্বহীদ কুশল কোঁৱৰৰ ৭৯সংখ্যক মৃত্যুবাৰ্ষিকীৰ দিনটোত ধুবুৰীত বিয়লিলৈ এলাগী হৈ ৰ’ল তেওঁৰ পূৰ্ণ অৱয়বৰ প্ৰতিমূৰ্তিটো। উল্লেখ্য যে ধুবুৰী চহৰৰ ১নং ৱাৰ্ডৰ ব্ৰহ্মপুত্ৰৰ পাৰৰ সৰু ৰাজহুৱা উদ্যান এখনত আছে শ্বহীদ কুশল কোঁৱৰৰ পূৰ্ণাংগ অৱয়বৰ এটা প্ৰতিমূৰ্তি। পিছে আজিৰ দিনটোতো শ্বহীদগৰাকীক বিয়লিলৈ এপাহি ফুল দি শ্ৰদ্ধা অৰ্পণ কৰাৰ আহৰি নাপালে কোনোৱে। অৱশ্যে পিছত আজি বিয়লি ভাগত স্থানীয় কেইগৰাকীমান সংবাদকৰ্মীৰ তৎপৰতাত শ্বহীদগৰাকীক শ্ৰদ্ধাঞ্জলি জনোৱা হয়।
প্ৰেৰক অমিতাভ চক্ৰৱৰ্তী