নিয়মীয়া বাৰ্তা, ১১ ফেব্ৰুৱাৰীঃ কেইবাটাও কাৰ্যসূচী লৈ বৰপেটাত উপস্থিত হৈছে ড০ হিমন্ত বিশ্ব শৰ্মা। আজি অমিত শ্বাহৰে চিৰাঙত উপস্থিত হোৱাৰ পিছত মন্ত্ৰী ড০ হিমন্ত বিশ্ব শৰ্মাই বৰপেটালৈ ৰাওনা হয়।
জিলাখনত উপস্থিত হৈ বৰপেটাৰোড ষ্টেডিয়াম উদ্বোধন কৰে মন্ত্ৰী ড০ শৰ্মাই। ইয়াৰ পিছত বৰপেটা ৰোডৰ পৰা বাগসাৰ বাৰাপেটালৈ বাইক সমদলত অংশগ্ৰহণ কৰে। বাইক সমদলৰ অন্তত পথ আৰু দলঙৰ আধাৰশিলা স্থাপন কৰি জিলাখনতে আয়োজন কৰা জনসভাত ৰাইজক সম্বোধন কৰিব মন্ত্ৰীগৰাকীয়ে।
ইয়াৰ পিছত আনন্দ বজাৰৰ পৰা সৰুপেটালৈ পুনৰ এক বাইক ৰেলীত অংশ ল’ব মন্ত্ৰীগৰাকীয়ে। সৰুপেটাত আয়োজন কৰা আন এখন সভাত অংশ ল’ব মন্ত্ৰী ড০ হিমন্ত বিশ্ব শমাই। উল্লেখ্য, ড০ শৰ্মাৰ লগত উপস্থিত থাকে সৰভোগ সমষ্টিৰ বিধায়ক তথা বিজেপিৰ ৰাজ্যিক সভাপতি ৰঞ্জিত দাস।