নিয়মীয়া বাৰ্তা, ৫ ফেব্ৰুৱাৰীঃ নিৰ্বাচনী দিন ঘোষণাৰ আগে আগে ৰাজনৈতিক দলৰ মাজত আৰম্ভ হৈছে নিৰ্বাচনী কুচকাৱাজ। আজি বিজেপিৰ জনপ্ৰিয় নেতা তথা শিক্ষামন্ত্ৰী ড০ বিত্তমন্ত্ৰী ড০ হিমন্ত বিশ্ব শৰ্মাই চাইকেল সমদল কৰে কমলপুৰত।
পুৱা সৰুসজাইত ২৯,৭০১গৰাকী শিক্ষকক নিযুক্তি-পত্ৰ বিতৰণৰ পিছত মন্ত্ৰীগৰাকী ৰাওনা হয় কমলপুৰলৈ। মন্ত্ৰী ড০ শৰ্মাৰ লগতে সমদলত ভাগ লয় বিজেপি ৰাষ্ট্ৰীয় সাধাৰণ সম্পাদক দিলীপ শইকীয়া, মন্ত্ৰী ভৱেশ কলিতাই।
চাইকেল সমদলত সহস্ৰ লোকে অংশ লোৱাৰ লগতে মন্ত্ৰীগৰাকীক বিপুল আদৰণি জনায়। ৰাইজৰ অংশগ্ৰহণ দেখি ড০ শৰ্মাই কমলপুৰত আনন্দৰ লহৰ উঠা বুলি টুইটযোগে উল্লেখ কৰে। উল্লেখ্য, কালিও ড০ শৰ্মাই কালি শোণিতপুৰত চাইকেল সমদলত অংশ লৈছিল।