হোজাইত লিডু-ইণ্টাৰচিটি এক্সপ্ৰেছৰ পৰা বাৰ্মিজ চুপাৰিসহ আটক দুইঃ ডিমাপুৰৰ পৰা নগাঁৱলৈ অনাৰ সন্দেহ
নিয়মীয়া বার্তা, ২৬ মে:- আজি হোজাইৰ লংকা ৰেল ষ্টেচনত ৰেল আৰক্ষীয়ে জব্দ বাৰ্মিজ চুপাৰিসহ দুই সৰবৰাহকাৰীক আটক কৰে। নামনিমুৱা ১৫৬৪০ নম্বৰৰ লিডু-ইণ্টাৰচিটি এক্সপ্ৰেছৰ পৰা জব্দ কৰে এই ১৬ বেগ বাৰ্মিজ চুপাৰি ।ডিমাপুৰৰ পৰা নগাঁৱলৈ বুলি আনিছিল এই বাৰ্মিজ চুপাৰিখিনি। লংকা ৰেল ষ্টেচনত বাৰ্মিজ চুপাৰিখিনি নমাই বাছেৰে নগাঁৱলৈ নিয়া পৰিকল্পনা কৰিছিল দুই সৰবৰাহকাৰীয়ে । লংকা ৰেল ষ্টেচনত নমাওঁতেই ৰেল আৰক্ষীয়ে জব্দ কৰে বাৰ্মিজ চুপাৰিখিনি।আটকাধীন দুই সৰবৰাহকাৰীৰ নাম ক্ৰমে ইন্দাদুল ইছলাম আৰু লাবুল ইছলাম।। দুয়োৰে ঘৰ নগাঁৱৰ ধিঙত বুলি জনা যায়। বৰ্তমান আটকাধীন দুয়োকে আৰক্ষীয়ে জেৰা অব্যাহত ৰাখিছে।
প্ৰেৰক কিশলয় ডি গোস্বামী