নিয়মীয়া বাৰ্তা ২৭ জুনঃ আন্তৰ্জাতিক নিচাযুক্ত দ্ৰব্যৰ ব্যৱহাৰ আৰু অবৈধ সৰবৰাহ বিৰোধী দিৱসৰ দিনাই মৰিগাঁও জিলাৰ মিকিৰভেটা আৰক্ষীৰ বৃহৎ সাফল্য ৷ জিলাখনৰ মিকিৰভেটা আৰক্ষী থানাৰ ভাৰপ্ৰাপ্ত বিষয়া মৃদুল হাজৰিকাৰ নেতৃত্বত প্ৰতি দিনে চলিছে নিচাযুক্ত দ্ৰব্যৰ বিৰুদ্ধে অভিযান ৷
আজি মিকিৰভেটা আৰক্ষী থানাৰ ভাৰপ্ৰাপ্ত বিষয়া গৰাকীৰ নেতৃত্বত আৰক্ষী থানা খনৰ উপ পৰিদৰ্শক কিৰণ দিহিঙীয়া , সহ উপ পৰিদৰ্শক শৰৎ নাথে জিলাখনৰ হাবিবৰঙাবাৰীত অভিযান চলাই ৪ কাৰ্টুন বিলাতী সুৰাসহ পুনা নাথ নামৰ এজন সুৰা ব্যৱসায়ীক আটক কৰে ৷ ইতিমধ্যে মিকিৰভেটা আৰক্ষীয়ে সুৰা ব্যৱসায়ী পুনা নাথৰ বিৰুদ্ধে এক গোচৰ ৰুজু কৰিছে ৷
উল্লেখ যে জিলাখনৰ মিকিৰভেটা আৰক্ষী থানাৰ এলেকাধীন অঞ্চলত প্ৰতি দিনে নিচাযুক্ত দ্ৰব্যৰ বিৰুদ্ধে অভিযান চলাই সাফল্য লাভ কৰাত সৰ্বসাধাৰণ ৰাইজে আৰক্ষীক শলাগ লৈছে ৷