জোনাইত  দল সংগঠন আৰু ৰাইজে বিদায় জনালে আছুৰ উপসভাপতি চিত্তৰঞ্জন বসুমতাৰীক

নিয়মীয়া বাৰ্তা,  ১৪ চেপ্তেম্বৰঃ আজি আনুষ্ঠানিক বাবে ঘোষণা হল আছু আৰু এজেৱাইচিপিৰ উদ্যোগত গঠিত ৰাজনৈতিক দল “অসম জাতীয় পৰিষদ”৷ এই নৱ গঠিত ৰাজনৈতিক দল “অসম জাতীয় পৰিষদ”ৰ  সাংগঠনিক কাম কাজ চলাবলৈ আগতীয়াকৈ  ছাত্ৰ সন্থাৰ মজিয়াৰ পৰা বিদায় লোৱা আছুৰ উপসভাপতি চিত্তৰঞ্জন বসুমতাৰীক আজি ৰাজহুৱা বিদায় জনালে জোনাইৰ কেইবাটাও দল সংগঠন আৰু ৰাইজে৷ জোনাই আঞ্চলিক ছাত্ৰ সন্থাই জোনাই টাউন ক্লাৱত আয়োজন কৰিছিল  ৰাজহুৱা বিদায় অনুষ্ঠানৰ৷ পুৱা১০ বজাত আৰম্ভ হোবা এই বিদায় অনুষ্ঠানত    জোনাইৰ বহু ব্যক্তি উপস্থিত থকাৰ লগতে অসম জাতীয়তা যুৱ ছাত্ৰ পৰিষদ, বড়ো ছাত্ৰ সন্থা, জোনাই প্ৰেছ ক্লাৱ, গৰিয়া মৰিয়া পৰিষদ,  আদি বহু দল- সংগঠন৷ জোনাইৰ কুলি তিনিআলিৰ পৰা শতাধিক ছাত্ৰ কৰ্মীয়ে বিদায়ী ছাত্ৰ নেতাজনক আদৰি আনে জোনাইলৈ৷  অনুষ্ঠানত অংশ লয় জোনাইৰ কেবাজনো বিশিষ্ট ব্যক্তিয়ে জোনাই ধেমজি বাসীৰ বাবে সদায় মাত মাতি অহা বলিষ্ঠ কন্ঠৰ যুৱ নেতা চিত্তৰঞ্জন বসুমতাৰীৰ অভাৱ অনুভৱ কৰিব বুলি ব্যক্ত কৰে৷ অনুষ্ঠানত ৰাইজ আৰু  বিভিন্ন দল  সংগঠনে বলিষ্ঠ ছাত্ৰ নেতাজনক গামোচা, শৰাই জাপিৰে বিদায় জনাই৷  বিদায়ী ছাত্ৰ নেতাজনে সদায়ে ধেমাজিৰ ৰাইজৰ হয় কাম কৰি যাব বুলি জানিবলৈ দিয়ে৷ উক্ত অনুস্থানত অসম জাতীয়তাবাদী যুৱ-ছাত্ৰ পৰিষদ,ধেমাজি জিলা সমিতিৰ সভাপতি জ্ঞান শৰ্মা, সাংগঠনিক সম্পাদক ধীৰাজ মিৰি,  ইউবিপিঅৰ ধেমাজি জিলা সমিতিৰ সভাপতি  মনোৰঞ্জন, সদৌ অসম ছাত্ৰ সন্থাৰ কায্যনিবাহক সদস্য মন্টুৰাজ বৰুৱা ধেমাজী জিলা ছাত্ৰ সন্থাৰ সভাপতি দিপক শৰ্মা উপ সভাপতি ৰাজীৱ গগৈ, ধেমাজি জিলা আছুৰ উপদেষ্টা ভাগ্যৱান দলে, সহকাৰী সাধাৰণ সম্পাদক সঞ্জীৱ দাস, মুখ্য সাংগঠনিক সম্পাদক দিলীপ কুটুম,  সাহিত্য সম্পাদক দেবেন ডেকা প্ৰচাৰ সম্পাদক কৈলাশ মিৰি জোনাই মহকুমা ছাত্ৰ সন্থাৰ সভাপতি ৰঞ্জিত বসুমতাৰী সাধাৰন সম্পাদক নয়নজোতি বৰুৱাৰ লগতে জোনাই আঞ্চলিক ছাত্ৰ সন্থাৰ সভাপতি সম্পাদক আৰু বাহিৰ জোনাই আঞ্চলিক ছাত্ৰ সন্থাৰ সভাপতি সম্পাদক আৰু আঞ্চলিক ছাত্ৰ সন্থাৰ বিষয় ববীয়া সকল উপস্থিত থাকে৷