নিয়মীয়া বাৰ্তা, ২৬ জুলাইঃ কাৰ্গিল বিজয় দিৱসৰ সৈতে সংগতি ৰাখি আজি সন্ধিয়া সীমান্ত চেতনা মঞ্চ পূৰ্বোত্তৰৰ ধুবুৰী নগৰ সমিতিৰ উদ্যোগত এক শ্ৰদ্ধাঞ্জলি অনুষ্ঠান অনুষ্ঠিত হয়। সংগঠনটোৰ ধুবুৰীৰ বালুৰচৰস্থিত কাৰ্য্যালয় ‘সীমান্ত ভৱন’’ত অনুষ্ঠিত হোৱা সেই কাৰ্য্যসূচীত কাৰ্গিলৰ যুদ্ধত দেশৰ হ’কে প্ৰাণ আহুতি দিয়া ভাৰতীয় সেনাৰ বীৰ সেনানীসকলৰ স্মৃতিত বন্তি প্ৰজ্বলন কৰা হয়। সংগঠনটোৰ ধুবুৰী নগৰ সমিতিৰ নৱ নিৰ্বাচিত সভাপতি দিৱস অধিকাৰীয়ে ভাৰত মাতাৰ পূজনেৰে আজিৰ সেই শ্ৰদ্ধাঞ্জলি কাৰ্য্যসূচীৰ শুভাৰম্ভ কৰে। আজিৰ সভাতেই সীমান্ত চেতনা মঞ্চৰ ধুবুৰী নগৰ সমিতিৰ নৱ নিৰ্বাচিত কাৰ্য্যকৰ্তাসকলৰ চমু পৰিচয় পৰ্ব প্ৰদানৰ এক কাৰ্য্যসূচীও অনুষ্ঠিত হয়। অন্তত জাতীয় সংগীত পৰিৱেশনেৰে আজিৰ কাৰ্গিল বিজয় দিৱসৰ বিশেষ কাৰ্য্যসূচীৰ সমাপ্তি ঘটে।
প্ৰেৰক অমিতাভ চক্ৰৱৰ্তী