গুৱাহাটী, ৩ জানুৱাৰীঃ থলগিৰিৰ প্রতিষ্ঠাপক, সাংবাদিক মনোৰম গগৈক দেওবাৰে ক্রান্তিকাল প্রকাশনৰ তৰফৰ পৰা ক্রান্তিকাল সন্মান প্রদান কৰা হয়৷ বিশিষ্ট শিল্পী সমীৰণ বৰুৱা আৰু বিপুলজ্যোতি শইকীয়াই গগৈক এই বঁটা প্রদান কৰে৷ অনুষ্ঠানত সাহিত্যিক অৰিন্দম বৰকটকীৰ লগতে কেইবাজনো গণ্য–মান্য ব্যক্তি উপস্থিত থাকে৷ অসমৰ থলুৱা খাদ্য–সম্ভাৰৰ এখন বজাৰ গঢ়ি তোলাৰ ক্ষেত্রত ঐকান্তিকভাৱে কাম কৰাৰ বাবেই গগৈক এই বঁটা প্রদান কৰা হৈছে বুলি নগাঁৱৰ ক্রান্তিকাল প্রকাশনৰ তৰফৰ পৰা জানিবলৈ দিয়ে৷ পূর্বতে এই বঁটা সাহিত্যৰ লগত জডিত ব্যক্তিক প্রদান কৰা হৈছিল৷