নিয়মীয়া বাৰ্তা, ২৮ জানুৱাৰীঃ কাইলৈ তামুলপুৰলৈ ৰাওনা হ’ব বিত্তমন্ত্ৰী ড০ হিমন্ত বিশ্ব শৰ্মা। চাৰিটা কাৰ্যসূচী লৈ তামুলপুৰলৈ ৰাওনা হোৱাৰ পূৰ্বে মন্ত্ৰীগৰাকীক আগতীয়াকৈ আদৰণি জনালে তামুলপুৰৰ মহিলাসমাজে।
এই আদৰণিৰ প্ৰক্ৰিয়াও অনন্য। তামুলপুৰ-ধমধমাত পাগলাদিয়াৰ ওপৰত নতুনকৈ ৩০ কোটি টকাৰে নিৰ্মাণ হ’বলগীয়া দলঙৰ ওচৰত মহিলাসকলে মন্ত্ৰীগৰাকীৰ ফটো সন্মুখত লৈ কৰে নাম-প্ৰসংগ।
নামপ্ৰসংগত ভাগ লোৱা স্থানীয় মহিলাসকলে কয় যে এই ঠাইখনৰ বহুদিনীয়া আশাৰ এখন দলং নিৰ্মাণ কৰাৰ ক্ষেত্ৰত মন্ত্ৰী ড০ শৰ্মাই লোৱা পদক্ষেপৰ বাবে এনেদৰে অভিনন্দন জ্ঞাপন কৰিব বিচৰা হৈছে। উল্লেখ্য, কালি এই দলংখনৰে আধাৰশিলা স্থাপন কৰিব মন্ত্ৰীগৰাকীয়ে।