নিয়মীয়া বাৰ্তা, ৪ এপ্ৰিল: ৰঙিয়াত আজি বৃহৎ পৰিমাণৰ আফিংসহ এজন সৰবৰাহকাৰীক আৰক্ষীয়ে আটক কৰিবলৈ সক্ষম হয় । ধৃত সৰবৰাহকাৰীজন হৈছে ৰঙিয়াৰ উদিয়ানাৰ লোহিত কলিতা । যুৱকজনৰ পৰা ১ কেজি ৮৫০ গ্ৰাম আফিং উদ্ধাৰ কৰে । দীৰ্ঘদিন ধৰি ৰঙিয়াৰ বিভিন্ন অঞ্চলত আফিঙৰ পেকেট বিক্ৰী কৰি আহিছিল সৰবৰাহকাৰীজনে । আৰক্ষীয়ে যুৱকজনক আটক কৰাৰ বাবে জাল পেলোৱাৰ সময়তে এক গোপন সূত্ৰৰ পম খেদি আফিংসহ সৰবৰাহকাৰীজনক ধৰিবলৈ সক্ষম হয় । আফিং সৰবৰাহৰ লগত জড়িত যুৱকজনক অধিক তথ্যৰ বাবে থানাত জেৰা অব্যাহত ৰাখিছে ।
প্ৰেৰক ফাৰুক হুছেইন