নিয়মীয়া বাৰ্তা, ২২ জুনঃ ক’ভিড-১৯ত আক্ৰান্ত হৈছে পাণবজাৰ আৰক্ষী থানাৰ ৩ আৰক্ষী। এই ৩ গৰাকীৰ মাজত এগৰাকী মহিলা কনিষ্টবলো আছে। মহিলা আৰক্ষী কনিষ্টবলগৰাকী থানাখনৰ কাষতে থকা চৰকাৰী আৱাসিক এলেকাৰ এটা অট্টালিকাৰ ওপৰ মহলাত বাস কৰিছিল।
আৱাসিক এলেকাটোত বহুকেইগৰাকী উচ্চপদস্থ আৰক্ষী বিষয়ায়ো বাস কৰে বুলি জানিব পৰা গৈছে। ইতিমধ্যে চৰকাৰী আৱাসিক এলেকাটো কণ্টেইমেণ্ট জ’ন হিচাপে ঘোষণা কৰা হৈছে। উল্লখ্য যে মহিলা কনিষ্টবলগৰাকী মহানগৰীৰ বহুকেইটা কণ্টেইনমেণ্ট জ’নত নিযুক্ত আছিল আৰু তেনেকৈয়ে তেওঁ ক’ভিড-১৯ত আক্ৰান্ত হোৱাৰ সম্ভাৱনা আছে।