বিশেষ বাৰ্তা, ১৬ জুন: অন্তঃসত্ত্বা অভিনেত্ৰী ছোনম কাপুৰ। বৰ্তমানে গিৰীয়েক আনন্দ আহুজাৰ সৈতে লণ্ডনত থকা ছোনমৰ শেহতীয়াকৈ মাংগলিক অনুষ্ঠান এটি কৰা হয়। এই অনুষ্ঠানৰ সুন্দৰ মুহূৰ্তৰ কেইখনমান ফটো ছোনমে নিজৰ ইনষ্টাগ্ৰামত পোষ্ট কৰিছে। ‘বেবী ছাৱাৰ’ পৰ্বত দেখা গৈছে ছোনমৰ ভনীয়েক ৰিয়া কাপুৰকো। মাক হ’বলৈ ওলোৱা ছোনমক লৈ তেওঁ কেবাখনো ফটো প্ৰকাশ কৰিছে। উল্লেখনীয় যে ২০১৮ চনত ছোনমে আনন্দ আহুজাৰ সৈতে বিবাহত বহে। গৰ্ভধাৰণ কৰাৰে পৰা ছোনমে সুকীয়া ফেছনেৰে পোছাক পিন্ধা সকলোৱে দেখিবলৈ পাইছে।