মৰিগাঁওত অ বি চি বৰ্ডৰ অধ্যক্ষ ৰূপে কাৰ্যভাৰ গ্ৰহণ প্ৰাক্তন ছাত্ৰ নেতা শিবাজি ডেকাৰ

নিয়মীয়া বাৰ্তা ৮ ছেপ্টেম্বৰঃ  শেহতীয়াকৈ ৰাজ্য চৰকাৰৰ নিৰ্দেশ অনুসৰি মৰিগাঁও জিলাৰ অন্যান্য পিছপৰা শ্ৰেণী অৰ্থাৎ অ বি চি বৰ্ডৰ অধ্যক্ষ ৰূপে নিযুক্তি লাভ কৰা এসময়ৰ প্ৰাক্তন ছাত্ৰ নেতা তথা কেবাটাও জাতীয় সংগঠন ক মৰিগাঁও ত নেতৃত্ব দি অহা যুৱ নেতা শিবাজি ডেকাই আজি অন্য সদস্যসকলৰ সৈতে মৰিগাঁও ৰ অ বি চি বৰ্ড অস্থায়ী কায্যলয়ত দায়িত্বভাৰ গ্ৰহণ কৰে। আক্ৰাছো নেতা পৰেশ ডেকাই আঁত ধৰা অনুষ্ঠানটিত উপস্থিত থাকে বিশিষ্ট সাংবাদিক ডালিম ফুকন , বি যে পি নেত্ৰী মিনু ডেকা , গীতা ভূঞা কে ধৰি বহু দল সংগঠনৰ নেতা কৰ্মী। উল্লেখ্য বি জে পি দলত যোগদানৰ পূৰ্বলৈকে মৰিগাঁও তথা মধ্য অসমত কোঁচ ৰাজবংশী ছাত্ৰ সন্থাক সন্মুখৰ পৰা নেতৃত্ব দিয়া সংগঠনতোৰ ভেটি সুদৃঢ় কৰা শিবাজি ডেকাই দায়িত্ব ভাৰ গ্ৰহণ কৰি সম্পূৰ্ণ নীতি নিয়মৰ মাজেৰে ৰাইজৰ কল্যান সাধন কৰাৰ প্ৰতিশ্ৰুতি দিয়ে।