বিশেষ বাৰ্তা, ধেমাজি, ১৪ ফেব্ৰুৱাৰীঃ ধেমাজি জিলাৰ ধেমাজি আৰু চিলাপথাৰ পৌৰ সভাৰ শাসকীয় বিজেপি দলে আজি দলীয় প্ৰাৰ্থীৰ নাম ঘোষণা কৰিছে ৷ কালি ধেমাজি জিলা বিজেপিৰ কাৰ্যালয়ত শিক্ষামন্ত্ৰী ডা° ৰনোজ পেগুৰ উপস্থিতিত জিলা বিজেপিৰ সভাপতি প্ৰেম দত্তই দলটোৰ প্ৰাৰ্থীৰ নাম ঘোষণা কৰে ৷ ঘোষিত তালিকাত ধেমাজি পৌৰ সভাৰ ১ আৰু ৮ নং ৱাৰ্ডটো মিত্ৰদল এজিপিক এৰি দিয়াৰ বিপৰীতে চিলাপথাৰ পৌৰ সভাৰ ৬ আৰু ৯ নং ৱাৰ্ড দুটা গনশক্তিক এৰি দিয়ে ৷ সেই অনুসৰি ধেমাজিৰ পৌৰ সভাৰ ২ নং ৱাৰ্ডত দীপৰেখা দাস বাগ্ৰী, ৩ নং ৱাৰ্ডত প্ৰতিমা দাস, ৪ নং ৱাৰ্ডত নিবেদিতা দাস দেউৰী,৫ নং ৱাৰ্ডত বিজয়া কাকতি,৬ নং ৱাৰ্ডত দিব্যজ্যোতি ডেকাবৰুৱা,৭ নং ৱাৰ্ডত ৰিন্টু দত্ত, ৯ নং ৱাৰ্ডত ৰমেশ নৰহ আৰু ১০ নং ৱাৰ্ডত বিপ্লৱ কোঁৱৰ ৷
ইফালে চিলাপথাৰ পৌৰ সভাৰ এক নং ৱাৰ’ত ধনদা বুঢ়াগোহাঁই গগৈ, ২ নং ৱাৰ্ডত তৰুনিমা দত্ত ৰয়, ৩ নং ৱাৰ্ডত জেনিফা ফুকন, ৪ নং ৱাৰ্ডত অনিমা ফুকন, ৫ নং ৱাৰ্ডত ৰীতা দাস, ৬ নং ৱাৰ্ডত গনশক্তিৰ লাৱণ্য পাইট দলে, ৭ নং ৱাৰ্ডত শমিষ্ঠা দেৱ, ৮ নং ৱাৰ্ডত বিজেপিৰ কবিতা সোনোৱাল ফুকন, ৯ নং ৱাৰ্ডত গনশক্তিৰ দীনেশ দলে, ১০ নং ৱাৰ্ডত বিজেপিৰ দীনেশ দাস৷৷ ১১ নং ৱাৰ্ডত মনোৰমা দে আৰু ১২ নং ৱাৰ্ডত লংকেশ্বৰ দাসক প্ৰাৰ্থীত্ব প্ৰদান কৰিছে ৷ ইফালে ধেমাজি নগৰ সমিতিৰ অগপ দলে ১ নং ৱাৰ্ডত ৰিঙ্কু কোঁৱৰ গগৈ আৰু ৮ নং ৱাৰ্ডত হেৰম্ব বৰগোহাঁইক প্ৰাৰ্থীত্ব প্ৰদান কৰিছে ৷ জিলা বিজেপিৰ অন্যতম সাধাৰণ সম্পাদক গৌৰী শংকৰ ডেকা বৰুৱাই আঁতধৰা সভাত মন্ত্ৰী ডা° ৰনোজ পেগুৱে জিলাখনৰ দুয়োখন পৌৰ সভাত বিজেপিৰ মিত্ৰদলে বিজয় সাব্যস্ত কৰি গঠন কৰিবলৈ সক্ষম হব বুলি দাবী কৰে ৷