নিয়মীয়া বাৰ্তা ৩০ জুন : নগাঁও নগৰ আৰক্ষীয়ে কালি নিশা অভিযান চলাই বুজন পৰিমাণৰ নিচা জাতীয় দ্ৰব্য সহ দুজন লোকক গ্ৰেপ্তাৰ কৰিবলৈ সক্ষম হয়। এক গোপন সুত্ৰৰ খবৰৰ ভিত্তিত আৰক্ষীয়ে বৰঘাট বাইপাচত অভিযান চলাই এ এচ -০৭-কিউ-৩-৩২৯৯ নম্বৰৰ গাড়ীখন জব্দ কৰাৰ লগতে আব্দুল গফুৰ আৰু আব্দুল আলী নামৰ লোক দুজনক গ্ৰেপ্তাৰ কৰে। আৰক্ষীয়ে গাড়ীখনৰ ভিতৰত লুকুৱাই ৰখা দুশ বটল পৰিমাণৰ নিচা জাতীয় দ্ৰব্য জব্দ কৰে। ধৃত লোকদুজন লক্ষীমপুৰ জিলাৰ। তেওঁলোকে গাড়ীখনেৰে নিচা জাতীয় দ্ৰব্য খিনি বিক্ৰীৰ বাবে নগাঁও চহৰলৈ অনাৰ চেষ্টা চলাওতেই আৰক্ষীৰ জালত পৰে। ধৃত দুয়োজন লোকক আজি আৰক্ষীয়ে জেল হাজোতলৈ প্ৰেৰণ কৰা বুলি জানিব পৰা গৈছে।