বিশেষ বাৰ্তা, ২৭ আগষ্টঃ নাহৰকটীয়া আৰক্ষীয়ে চাচনীৰ আমগুৰি গাঁৱত অভিযান চলাই হেৰইনসহ এগৰাকী মহিলাক আটক কৰিবলৈ সক্ষম হয়। নাহৰকটীয়া থানাৰ ভাৰপ্ৰাপ্ত আৰক্ষী বিষয়া প্ৰাঞ্জল চেতিয়া আৰু চাচনী আৰক্ষী চকীৰ আই.চি কৃষ্ণকান্ত শৰ্মাৰ নেতৃত্বত যোৱা আৰক্ষীৰ এটা দলে আজি গোপন খবৰৰ ভিত্তিত চাচনী আমগুৰি গাঁৱৰ নিৱাসী সঞ্জয় খনিকৰৰ বাসগৃহৰ নিৰ্মিয়মাণ শৌচাগাৰটোৰ কুমুদৰ তলত ১১.৬৩ গ্ৰাম নিষিদ্ধ হেৰ’ইনসহ দহটাকৈ কণ্টেনাৰ লুকুৱাই থোৱা অৱস্থাত জব্দ কৰিবলৈ সক্ষম হয়। উল্লেখযোগ্য যে ড্ৰাগছ সেৱন আৰু সৰবৰাহৰত জড়িত হৈয় কেইবাবাৰো ৰঙা ঘৰৰ আলহী হোৱা সঞ্জয় খনিকৰে আৰক্ষীৰ অভিযানৰ উমান পাই ঘৰৰ পৰা পলায়ন কৰিবলৈ সক্ষম হয় যদিও আৰক্ষীয়ে সঞ্জয় খনিকৰৰ পত্নী কৰৱী খনিকৰক সোধা-পোছাৰ বাবে থানালৈ আনে। শেহতীয়াকৈ নাহৰকটীয়া আৰক্ষীয়ে এন.ডি.পি.এছ এক্টৰ অধীনত এক গোচৰ ৰুজু কৰি পলাতক সঞ্জয় খনিকৰক বিচাৰি অভিযান অব্যাহত ৰাখিছে।
প্ৰেৰক প্ৰাঞ্জল ভূঞা