নিয়মীয়া বাৰ্তা, ৩০ এপ্ৰিলঃ ঢকুৱাখনা মহকুমাৰ নতুন মহকুমাধিপতি হিচাপে ৰাজ্য চৰকাৰে নিযুক্তি দিছে অসম অসামৰিক সেৱাৰ বিষয়া কাৰ্তিক কলিতাক। ৰাজ্য চৰকাৰৰ এ এ এ,৬/২০২২/৪০-এ এছ নম্বৰৰ এক নিৰ্দেশনাযোগে মাজুলী জিলাৰ অতিৰিক্ত উপায়ুক্ত হিচাপে কৰ্মৰত প্ৰশাসনিক বিষয়া কলিতাক ঢকুৱাখনা মহকুমাৰ ভাৰপ্ৰাপ্ত মহকুমাধিপতি হিচাপে নিযুক্তি দিয়া বুলি জানিব পৰা গৈছে । ইতিপূৰ্বে ঢকুৱাখনা মহকুমা প্ৰশাসনত সহকাৰী আয়ুক্ত হিচাবে প্ৰশাসনিক সেৱা আগবঢ়াই যোৱা কলিতাক মহকুমাধিপতি পদত নিযুক্তি দিয়াত সন্তুষ প্ৰকাশ কৰি নৱনিযুক্ত মহকুমাধিপতি কলিতাই মহকুমাটোক নতুন গতিশীলতা প্ৰদান কৰিবলৈ সক্ষম হ’ব বুলি আশা প্ৰকাশ কৰিছে মহকুমাবাসীয়ে ।
প্ৰেৰক ৰাজেশ বুঢ়াগোহাঞি