বিশেষ বার্তা, বৰগাং, ৬ এপ্ৰিলঃ বিশ্বনাথ জিলাৰ অন্যতম সাহিত্য অনুষ্ঠান ৰ’দ গোষ্ঠীৰ উদ্যোগত আৰু তিনিমহীয়া আলোচনী ৰ’দৰ সহযোগত ‘ৰ’দৰ কাব্যৰত্ন বঁটা-২০২২’ অসমীয়া কাব্য সাহিত্যৰ একনিষ্ঠ সেৱক, বিশিষ্ট কবি সমীৰ তাঁতীলৈ আগবঢ়োৱা হৈছিল৷ যোৱা ২৭ ফেব্ৰুৱাৰীত বিশ্বনাথ চাৰিআলিৰ হিমালয় বিবাহ ভৱনত অনুষ্ঠিত হোৱা ৰ’দৰ বৰ্ষপূৰ্তি অনুষ্ঠানৰ বঁটা বিতৰণী কাৰ্য্যসূচীত বিশিষ্ট কবি গৰাকী উপস্থিত থাকিব নোৱাৰাত যোৱা ৪ এপ্ৰিলত ৰ’দৰ সম্পাদক জয়ন্ত বৰুৱা, ৰ’দৰ সম্পাদনা সহযোগী বিকাশজ্যোতি বৰুৱা আৰু ৰ’দৰ ব্যৱস্থাপনা সহযোগী নিকুমণি বৰুৱাই কবিগৰাকীৰ গুৱাহাটীৰ নিজা গৃহলৈ গৈ এই বঁটা তেখেতৰ হাতত প্ৰদান কৰে৷ ৰ’দৰ সম্পাদক জয়ন্ত বৰুৱাই ‘ৰ’দৰ কাব্যৰত্ন বঁটা’ অসমীয়া কাব্য সাহিত্যৰ সাধকগৰাকীক নিজ হাতে প্ৰদান কৰি কবি গৰাকীৰ সুস্বাস্থ্য আৰু দীৰ্ঘায়ু কামনা কৰে৷ বিশিষ্ট কবি সমীৰ তাঁতীলৈ ৰ’দৰ ফালৰ পৰা এই বঁটা প্ৰদান কৰাত অসমৰ কাব্য সমাজে সন্তুষ্টি প্ৰকাশ কৰে ৷ কবি সমীৰ তাঁতীয়েও ‘ৰ’দ’ আলোচনী গোষ্ঠীয়ে দীৰ্ঘ দূৰত্ব বাটকুৰি বাই আহি তেওঁৰ ছাত্ৰ স্ব-গৃহত উপস্থিত হৈ “কাব্য ৰত্ন ‘ বঁটা প্ৰদানেৰে সন্মান জনোৱাত অভিভূত হৈ পৰাৰ কথা কৈ নিজৰ অভিব্যক্তি প্ৰকাশ কৰি ৰ’দৰ সম্পাদক প্ৰমুখ্যে সতীৰ্থবৰ্গ আৰু লগতে ৰ’দ আলোচনীৰ সৈতে জড়িত সকলোকে ধন্যবাদ আৰু কৃতজ্ঞতা জ্ঞাপন কৰে।