নিয়মীয়া বাৰ্তা ২৬ এপ্ৰিলঃ তিনিচুকীয়া জিলাৰ লালপাহাৰত ভাৰতীয় সেনা আৰু অসম আৰক্ষীৰ যুটিয়া অভিযানত এনএচ চিএন(আই এম) ৰ এজন কেডাৰ কৰায়ত্ত কৰিছে। অভিযানকাৰী দলটোৱে বিশেষ সূত্ৰৰ পম খেদি অঞ্চলটোত অভিযান চলায়। অভিযান কালত কেডাৰজনক এচ এচ প্ৰাইভেট ৰাজু ব্ৰহ্ম শিসুপানী গোলাঘাট জিলাৰ বুলি চিনাক্ত কৰা হৈছে। এই অভিযানকালত উদ্ধাৰকাৰী দলটোৱে এটা পইণ্ট ২২ পিষ্টল আৰু ৫ ৰাউণ্ড গুলী উদ্ধাৰ কৰে। কেডাৰ জনক অধিক সোধপোচৰ বাবে লেখাপানী আৰক্ষী চকীত চমজাই দিয়া হৈছে।
আনহাতে যোৱা ২৩ এপ্ৰিলত যোৰহাটৰ তিতাবৰ থানাত অন্তৰ্গত আন এজন এনএচ চিএন(আই এম)ৰ কেডাৰক কৰায়ত্ত কৰিছে। বিশেষ সূত্ৰৰ পম খেদি যুটীয়া ভাৱে অভিযান কালত কেডাৰ জনক আটক কৰিবলৈ সক্ষম হয়। কেডাৰ জনক নং ৯০০০৫৮/০৪ এচ এচ মাজ নায়াবা কোনৰ্য়াক নিউপা নাগালেণ্ডৰ মন জিলাৰ উষা গাওঁৰ বুলি চিনাক্ত কৰা হৈছে। কেডাৰ জনৰ পৰা দুটা আমেৰিকাত নিৰ্মিত বেৰিটা পিষ্টল সহ দুটা মেগজিন উদ্ধাৰ কৰে। অভিযানকাৰী দলটোৱে উজনি অসমত ধনদাবীকে ধৰি অপৰহণ কাৰ্যত জড়িত আছিল। সম্প্ৰতি তিতাবৰ আৰক্ষী চকীত কেডাৰজনক জেৰা অব্যাহত ৰাখিছে।