লখিমপুৰ কমাৰ্চ কলেজ সংযোগী পথৰ দাঁতিত অফিচাৰ্চ ক্লাবৰ নিৰ্মীয়মাণ ভৱনৰ বিৰুদ্ধে ছাত্র একতা সভাৰ প্ৰতিবাদ

বিশেষ বাৰ্তা, ৭ এপ্ৰিলঃ লখিমপুৰ বাণিজ্য মহাবিদ্যালয় সংযোগী ঠেক পথটোৰ দাঁতিতে অফিচাৰ্চ ক্লাবৰ নিৰ্মীয়মাণ ভৱনটোৰ বিৰুদ্ধে আজি ছাত্র একতা সভাই প্ৰতিবাদ সাব্যস্ত কৰে। পথতে লগাই নিৰ্মাণ কৰা ভৱনটোৱে ভৱিষ্যতে মহাবিদ্যালয়খনক সমস্যাত পেলাব বুলি ভৱনটো অন্য স্থানত নিৰ্মাণৰ দাবীত প্ৰতিবাদী কাৰ্য্যসূচী গ্ৰহণ কৰে ছাত্র একতা সভাই। ইতিমধ্যে বিষয়টো স্থানীয় বিধায়ক, উপায়ুক্ত, পৌৰসভাৰ বিষয়াক জনোৱা হৈছে যদিও ব্যৱস্থা গ্রহণ কৰা নাই। উল্লেখ্য কেৱল বাণিজ্য মহাবিদ্যালয়েই নহয় এই ভৱনটোৱে কাষৰীয়া আন কেইবাটাও অনুষ্ঠানৰ প্ৰতি অসুবিধাৰ সৃষ্টি কৰিব। প্ৰশাসনে বিষয়টোক লৈ গুৰুত্ব নিদিলে আন্দোলনে জংগী ৰূপ ধাৰণ কৰাৰ সম্ভাবনা আছে।
প্ৰেৰক জীৱন গোস্বামী