নিয়মীয়া বাৰ্তা, ২২ ডিচেম্বৰঃ অৰুণাচলৰ ডায়ুনত চাঞ্চল্যকৰ ঘটনা। ডায়ুনৰ খুমচাইখা অঞ্চলত অপহৃত অইলৰ বিষয়া দুজন। ১৮ ডিচেম্বৰত অৰুণাচলৰ তৈল্য খননত জড়িত কুইপ লিমিটেডত জইন কৰিছিল প্ৰণৱ গগৈয়ে। বিষয়া প্ৰণৱ কুমাৰ গগৈ আৰু ৰাম কুমাৰক ১৫জনীয়া এটা দুৰ্বৃত্তৰ দলে অপহৰণ কৰাৰ সন্দেহ কৰা হৈছে।
অপহৃত প্ৰণৱ গগৈৰ ঘৰ শিৱসাগৰত আৰু ৰাম কুমাৰৰ ঘৰ বিহাৰত বুলি জানিব পৰা গৈছে। দেওবাৰে পত্নীৰ সৈতে যোগাযোগ কৰিছিল বিষয়াগৰাকীয়ে তাৰ পাছৰে পৰা পৰিয়ালৰ সৈতে যোগাযোগ নাই গগৈৰ। এই অপহৰণকাণ্ডত আলফা(স্বাঃ) আৰু NSCN(K) জড়িত থকাৰ সন্দেহ প্ৰকাশ কৰিছে আৰক্ষীয়ে।
আনহাতে ৰাজ্য চৰকাৰ, অইল কৰ্তৃপক্ষকে ধৰি অপহৰণকাৰীসকললৈ কাতৰ আহ্বান জনাই পত্নীয়ে। শীঘ্ৰে স্বামীক মুকলি কৰি দিবলৈ আহ্বান জনায় পত্নী আৰু কন্যাই।