নিয়মীয়া বাৰ্তা, ৯ মাৰ্চঃ দহটা ৱাৰ্ডেৰে গঠিত বজালী জিলা সদৰ পাঠশালা পৌৰ সভা নিৰ্বাচনত এইবেলি মিশ্ৰিত ফলাফল দেখিবলৈ পোৱা গৈছে৷ বিগত কাৰ্যকালত বিজেপিৰ দখলত থকা পৌৰ সভাখনত এইবেলি অগপ- বিজেপি মিত্ৰজোঁটে পাঁচখন আসন লাভ কৰাৰ বিপৰীতে আন পাঁচখনতে নিৰ্দলীয় প্ৰাৰ্থীয়ে জয় লাভ কৰিবলৈ সক্ষম হয়৷ আনহাতে কংগ্ৰেছ আৰু অসম জাতীয় পৰিষদে এখনো আসন লাভ কৰিবলৈ সক্ষম নহ’ল৷ উল্লেখ্য যে পাঠশালা পৌৰ সভাৰ ১নং ৱাৰ্ডত মিত্ৰজোঁটৰ হৈ অগপ প্ৰাৰ্থী ৰাতুল ৰয়ে তেওঁৰ নিকটতম প্ৰতিদ্বন্দ্বী নিৰ্দলীয় প্ৰাৰ্থী ধীৰাজ কলিতাক ১৭০ টা ভোটৰ ব্যৱধানত পৰাজিত কৰে৷ ২নং ৱাৰ্ডত নিৰ্দলীয় প্ৰাৰ্থী মিনি কলিতাই বিজেপি প্ৰাৰ্থী হীমা বৰ্মনক ২৫৭ টা, ৩নং ৱাৰ্ডত বিজেপিৰ জলি চৌধুৰীয়ে অসম জাতীয় পৰিষদৰ জুনু চৌধুৰীক ৩৯৫ টা, ৪ নং ৱাৰ্ডত নিৰ্দলীয় প্ৰাৰ্থী দীপিকা তালুকদাৰে বিজেপিৰ মায়াৰাণী চৌধুৰীক ২৭৫ টা, ৫ নং ৱাৰ্ডত বিজেপি দিগন্ত তালুকদাৰে নিৰ্দলীয় গিৰীন্দ্ৰ নাথ তালুকদাৰক ১০৬টা, ৬নং ৱাৰ্ডত নিৰ্দলীয় প্রার্থী নিৰ্মল ৰয়ে বিজেপিৰ ড৹ ভূপেন তালুকদাৰক ১৪টা, ৭ নং ৱাৰ্ডত বিজেপি প্ৰাৰ্থী কালিচৰণ দাসে অপৰাজিতা তালুকদাৰক ৮৭টা, ৮ নং ৱাৰ্ডত নিৰ্দলীয় প্রার্থী মনোজ দাসে অগপৰ ডিম্বেশ্বৰ দাসক ৪৭৭টা, ৯ নং ৱাৰ্ডত নিৰ্দলীয় প্ৰাৰ্থী শেৱালী কাকতিয়ে বিজেপিৰ গায়ত্ৰী ঠাকুৰীয়াক ৪২টা আৰু ১০ নং ৱাৰ্ডত বিজেপিৰ বর্ণালী কলিতাই অসম জাতীয় পৰিষদৰ অঞ্জলী দেৱীক ১১টা ভোটৰ ব্যৱধানত পৰাজিত কৰে৷
প্ৰেৰক কল্যাণ কলিতা