বিশেষ বাৰ্তা, ৩০ মাৰ্চঃ জনতাৰ মূৰত মাধমাৰ সোধাই আজি পুনৰ বৃদ্ধি পালে পেট্ৰ’ল-ডিজেলৰ দাম। ৰাজ্যৰ অন্যান্য প্ৰান্তৰ লগতে গুৱাহাটীত পেট্ৰ’লৰ মূল্যই শতকৰ ঘৰ অতিক্ৰম কৰিলে। গুৱাহাটীত আজি প্ৰতি লিটাৰ পেট্ৰ’লৰ দাম ১০০.৭৮ টকা আৰু ডিজেলৰ দাম ৮৬.৭৫ টকা হৈছে। আজি লিটাৰে প্ৰতি পেট্ৰ’ল-ডিজেলত বৃদ্ধি পাইছে ৮০ পইচাকৈ। মঙলবাৰে গুৱাহাটীত প্ৰতি লিটাৰ পেট্ৰ’লৰ দাম আছিল ৯৯.৯৮ টকা। উল্লেখ্য যে ২২ মাৰ্চৰ পৰা ধাৰাবাহিকভাৱে বাঢ়ি আছে পেট্ৰ’ল-ডিজেলৰ দাম। মাজতে মাত্ৰ ২৪ মাৰ্চতহে বৃদ্ধি পোৱা নাছিল।