নিয়মীয়া বাৰ্তা, ৯ ছেপ্টেম্বৰঃ অনলাইন যোগে হ’ব গুৱাহাটী বিশ্ববিদ্যালয়ৰ স্নাতকোত্তৰৰ চূড়ান্ত পৰীক্ষা। ক’ৰোনা মহামাৰীৰ বাবে যিসকল ছাত্ৰ-ছাত্ৰী অফলাইন পৰীক্ষাত বহিব নোখোজে তেওঁলোকে অনলাইনযোগেই দিব পাৰিব পৰীক্ষা।
উল্লেখ্য যে চলিত মাহৰ পৰাই অনুষ্ঠিত হ’ব এই স্নাতকোত্তৰ চূড়ান্ত পৰীক্ষা। অফলাইন আৰু অনলাইন দুয়োটা ব্যৱস্থা থাকিব এইবাৰৰ পৰীক্ষাত। অৱশ্যে এই সন্দৰ্ভত শীঘ্ৰে নিৰ্দেশনা জাৰি কৰিব গুৱাহাটী বিশ্ববিদ্যালয় কৰ্তৃপক্ষই।