নিয়মীয়া বাৰ্তা, ৬ আগষ্টঃ ৰূপহীহাটৰ আমবাগান আৰক্ষী পহৰা চকীৰ ভাৰপ্ৰাপ্ত বিষয়া হেমন্ত কলিতাক আজি চাকৰিৰ পৰা নিলম্বন কৰে। আৰক্ষী বিষয়াগৰাকীয়ে গৰু গাড়ীৰ পৰা ধন সংগ্ৰহ কৰাত গৃহৰক্ষী বাহিনীৰ জোৱানক নিয়োজিত কৰাৰ অভিযোগ আছিল। কালি গৰু গাড়ীৰ পৰা ধন লোৱা দৃশ্য বন্দী হৈছিল কেমেৰাত। গৰু গাড়ীৰ পৰা ধন লোৱা দৃশ্যৰ বাতৰি সম্প্ৰচাৰ হোৱাত পিছত নগাঁও জিলা আৰক্ষী অধীক্ষক নৱনীত মহন্তই নিলম্বন কৰে ভাৰপ্ৰাপ্ত বিষয়া হেমন্ত কলিতাক। গৰু গাড়ীৰ পৰা ধন লোৱা গৃহৰক্ষী জোৱান হিফজুৰ ৰহমানকো চাকৰিৰ পৰা বৰ্খাস্ত কৰে ৷
প্ৰেৰক জহিৰুল ইছলাম