নিয়মীয়া বাৰ্তা ১১মেঃ অদৃশ্য শক্তিৰ বিৰুদ্ধে অতন্দ্ৰ প্ৰহৰী দৰে কাম কৰি থকা মন্ত্ৰী ড০ হিমন্ত বিশ্ব শৰ্মাৰ মনোবল বৃদ্ধি আৰু সু-স্বাস্থ্য অটুত থকাৰ বাবে সোমবাৰে সন্ধিয়া ছিপাঝাৰৰ ঐতিহাসিক নাৰিকলি শিৱমন্দিৰ প্ৰাংগণত ৰূপায়ণ কৰা হয় বন্তি প্ৰজ্বলন কাৰ্যসূচী। সমুহীয়া বন্তি প্ৰজ্বলন কাৰ্যসূচীৰ জৰিয়তে মন্ত্ৰী গৰাকীৰ সু স্বাস্থ্যৰ হকে অনুগামী সকলে ভগৱন্তৰ ওচৰত প্ৰাৰ্থনা জনায় । ক’ৰোনা ভাইৰাছৰ বিৰুদ্ধে দিনে-নিশাই একাকাৰ কৰি জাগ্ৰত প্ৰহৰীৰূপে সেৱা আগবঢ়োৱা মন্ত্ৰী গৰাকীৰ এনে কাৰ্যত অসম বাসী লগত আছে আৰু সদায় থাকিব বুলিও প্ৰকাশ কৰে।কাৰ্যসূচীত বনমালী শৰ্মা প্ৰমুখ্যে ভিন্ন জনে অংশ লয়।লক্ষণীয় নাৰিকলি মন্দিৰৰ উপৰিও আন কেইবাঠাইতো মন্ত্ৰী ড০ হিমন্ত বিশ্ব শৰ্মাৰ সু স্বাস্থ্য কামনা কৰি বন্তি প্ৰজ্বলন কৰা হয়।