নিয়মীয়া বাৰ্তা,২১ মাৰ্চঃ “পলিটিক্স নকৰিবা বন্ধু…” অাজি নিৰ্বাচনী প্ৰচাৰ সভাত অংশ লৈ জুবিন গাৰ্গৰ গীত গাই বিজেপিক সমালোচনা প্ৰিয়ংকা গান্ধীৰ।
কংগ্ৰেছক উদ্ধাৰৰ বাবে ৰাজ্যত পুনৰ উপস্থিত হৈছে জ্যেষ্ঠ কংগ্ৰেছী নেত্ৰী তথা কংগ্ৰেছ তনয়া প্ৰিয়ংকা গান্ধী ৷
আজি যোৰহাটত কংগ্ৰেছ প্ৰাৰ্থী ৰাণা গোস্বামীৰ হৈ নিৰ্বাচনী প্ৰচাৰ চলালে কংগ্ৰেছ নেত্ৰী প্ৰিয়ংকা গান্ধীয়ে।
জয় আই অসম বুলি কৈ ভাষণ আৰম্ভ কৰা প্ৰিয়ংকাই প্ৰধানমন্ত্ৰী মোদী কটাক্ষ কৰি কয় যে কংগ্ৰেছে ছ’চিয়েল মিডিয়াত প্ৰকাশ কৰা এখন ভুল ফটোক লৈ প্ৰতিক্ৰিয়া ব্যক্ত কৰি বেজাৰ লাগিছে প্ৰধানমন্ত্ৰী মোদীৰ। কিন্তু অসমৰ বানপানীৰ সময়ত নিৰব তেওঁ। তেতিয়া কিয় অসমলৈ বেয়া নালাগে বুলি কঠোৰ সমালোচনা কৰে প্ৰিয়ংকাই।
ইপিনে দেওবাৰে নাজিৰাৰ জিলা ক্ৰীড়া সন্থাৰ খেল পথাৰত অনুষ্ঠিত প্ৰচাৰ সভাত নাজিৰা সমষ্টিৰ প্ৰাৰ্থী দেৱব্ৰত শইকীয়াৰ হৈও প্ৰচাৰ চলালে নেত্ৰীগৰাকীয়ে ৷