বিশেষ বাৰ্তা, ২৩ মাৰ্চঃ ৰাষ্ট্ৰীয় পৰ্য্যায়ৰ সামাজিক সংস্থা ৰক্ষক ফাউণ্ডেশনৰ উদ্যোগত আজি ৰাষ্ট্ৰীয় শ্বহীদ দিৱস পালন কৰা হয় । দেশৰ স্বাধীনতাৰ হকে জীৱন বিসৰ্জন দিয়া বীৰ শ্বহীদসকলক প্ৰণাম জনাই, নগাঁৱৰ তিনিজন বিশিষ্ট প্ৰাক্তন ভাৰতীয় সেনা জোৱান পোনাৰাম বৰা, উমাৰাম হাজৰিকা আৰু পদুম কুমাৰ শইকীয়াক তেওঁলোকৰ নিজা বাসগৃহত সম্বৰ্দ্ধনা জনোৱা হয় । এই সম্বৰ্দ্ধনা অনুষ্ঠানত উপস্থিত থাকে ৰকশক ফাউণ্ডেশনৰ ৰাষ্ট্ৰীয় মুখ্য সচিব ডঃ হৰেশ্বৰ শইকীয়া, নিভা কুমাৰ বৰা, ৰাজ্যিক সম্পাদক ধনঞ্জয় তালুকদাৰ , ৰাজ্যিক মহিলা গোটৰ উপ-সভানেত্ৰী স্নিগ্ধা ভট্ট দাস, জিলা সম্পাদক ৰাজীৱ দাস, গীতা দাস আৰু অন্যান্য বিশিষ্ট ব্যক্তিসকল ।
প্ৰেৰক কনক হাজৰিকা