বিশেষ বাৰ্তা, ৬ জুনঃ ডিব্ৰুগড়ৰ মোহনাঘাটত আজি উদ্ধাৰ হয় এডাল প্ৰকাণ্ড অজগৰ সাপ।ঘন জনবসতি থকা এক আৱাসিক অঞ্চলত প্ৰকাণ্ড অজগৰ উদ্ধাৰ হোৱাক লৈ ব্যাপক চাঞ্চল্যৰ স্বৃষ্টি হৈছে।চহৰখনৰ মোহনাঘাটৰ জয়শ্ৰী সংঘৰ সন্মুখৰ এখন গেলামাল দোকানত এজন গ্ৰাহকে পত্যক্ষ কৰে প্ৰকাণ্ড অজগৰ সাপডালক।ইয়াৰ লগে লগেই উৎসুক জনতাই ভীৰ কৰে দোকানৰ লগতে ৰাজপথত।সকলোৱে এবাৰ নিচেই কাষৰ পৰা জীৱন্ত অজগৰ চাবলৈকে হেতা-উপৰা কৰাত ৰাজপথত ব্যাপক যানজতৰ স্বৃষ্টি হয়।দোকানৰ এক চেলফৰ ফাকত আবদ্ধ হৈ পৰা অজগৰটো পৰবৰ্তী সময়ত বনবিভাগৰ লোকে উদ্ধাৰ কৰি জকাই বনাঞ্চলত মুকলি কৰি দিয়ে।জনাঞ্চলত এনেদৰে অজগৰ উদ্ধাৰ হোৱা কাৰ্যই সকলোকে ভবাই তুলিছে।
প্ৰেৰক বিভাস দুৱৰা