নিয়মীয়া বাৰ্তা, ১৪ ডিচেম্বৰঃ বিটিচি পৰিষদীয় নিৰ্বাচনত কংগ্ৰেছৰ একমাত্ৰ নিৰ্বাচিত সদস্য সজল সিনহাই আজি স্বাস্থ্যমন্ত্ৰী ড০ হিমন্ত বিশ্ব শৰ্মাৰ উপস্থিতিত আনুষ্ঠানিকভাৱে বিজেপিত যোগদান কৰে। যাৰ লগে লগে বিটিচি পৰিষদীয় দলত সদস্যৰ সংখ্যা এজনলৈ বৃদ্ধ পায়।
উল্লেখ্য যে সজল সিনহা কংগ্ৰেছৰ টিকটত নিৰ্বাচিত হৈছিল। লগতে তেওঁ আছিল শ্ৰীৰামপুৰৰ পৰা নিৰ্বাচিত কংগ্ৰেছ-এআইইউডিএফ মিত্ৰজোঁটৰ একমাত্ৰ প্ৰতিনিধি।
ইপিনে কাইলৈ কোকৰাঝাৰত হ’বলগীয়া শপত গ্ৰহণ অনুষ্ঠানত প্ৰমোদ বড়োৱে মুখথ্য কাৰ্যবাহী হিচাপে শপত গ্ৰহণ কৰাৰ বিপৰীতে গোবিন্দ বসুমতাৰীয়ে উপ-মুখ্য কাৰ্যবাহী ৰূপে শপত ল’ব। লগতে একে অনুষ্ঠানতে বিজেপিৰ দুজনে সদস্য হিচাপে, আৰু গণ সুৰক্ষা পাৰ্টীৰ এজনে সদস্য ৰূপে শপত গ্ৰহণ কৰিব বুলি ড০ হিমন্ত বিশ্ব শৰ্মাই মন্তব্য কৰে।