বিশেষ বাৰ্তা, ২৯ জুলাই: নগাঁৱত আৰক্ষীয়ে অব্যাহত ৰাখিছে ড্ৰাগছবিৰোধী অভিযান। আজি সন্ধিয়া নগাঁও চহৰৰ ধিং গেটৰ লাচিত নগৰৰ পৰা হয়বৰগাঁও আৰক্ষীয়ে এটা ড্ৰাগছ সৰবৰাহকাৰীক আটক কৰাৰ লগতে জব্দ কৰে ২২টাকৈ ড্ৰাগছভৰ্তি কণ্টেইনাৰ। আটকাধীন ড্ৰাগছ সৰবৰাহকাৰীটোৰ নাম মুক্তাৰ হুছেইন। মুক্তাৰ হুছেইন দীৰ্ঘদিন ধৰি ড্ৰাগছ সৰবৰাহ লগত জড়িত আছিল। সৰবৰাহকাৰীটোৰ পৰা জব্দ কৰা ড্ৰাগছখিনিৰ বজাৰ মূল্য প্ৰায় ৫০,০০০ হাজাৰ টকা বুলি জানিব দিয়ে আৰক্ষীয়ে। হয়বৰগাঁও আৰক্ষী চকীৰ ভাৰপ্ৰাপ্ত আৰক্ষী বিষয়া তৰংগ পাটোৱাৰীৰ নেতৃত্বত ধিং গেটৰ লাচিত নগৰত আজি চলিছিল এই ড্ৰাগছবিৰোধী অভিযান।
প্ৰেৰক কনক হাজৰিকা