নিয়মীয়া বাৰ্তা ২৯ নৱেম্বৰঃ গোৱাত আয়োজিত “52nd International Film Festival of India”ত “Special Mention” সন্মানেৰে সন্মানিত কৰা হয় “চেমখৰ”ক।
ছবিখনৰ পৰিচালিকা আইমী বৰুৱাই কেন্দ্ৰীয় তথ্য আৰু সম্প্ৰচাৰ মন্ত্ৰী মাননীয় অনুৰাগ সিং ঠাকুৰ দেৱ আৰু অভিনেতা মনোজ বাজপেয়ী ডাঙৰীয়াৰ হাতেৰে এই সন্মান গ্ৰহণ কৰে।
উল্লেখ্য যে গোৱাত অনুষ্ঠিত হোৱা ৫২সংখ্যক ‘ভাৰতীয় আন্তঃৰাষ্ট্রীয় চলচ্চিত্র মহোৎসৱ’ৰ আন্তঃৰাষ্ট্রীয় প্রতিযোগিতা শাখালৈ নির্বাচিত ১৫খন ছবিৰ তালিকাত অন্তর্ভুক্ত হৈছে অসমৰ জনপ্রিয় অভিনেত্রী আইমী বৰুৱা পৰিচালিত তথা অভিনীত ‘ছেমখৰ’৷ বিশ্বৰ প্রায় আঢ়ৈ হাজাৰ ছবিৰ মাজৰ পৰা চলচ্চিত্র মহোৎসৱখনৰ আন্তঃৰাষ্ট্রীয় প্রতিযোগিতা শাখাৰ বাবে মুঠ ১৫খনক নির্বাচিত কৰা হৈছে৷ ইয়াৰে ডিমাচা ভাষাৰ ‘ছেমখৰ’সহ তিনিখন ভাৰতৰ ছবি৷